السلام عليكم ورحمة الله وبركاتة
اهلا بيكم فى منتدى حول العالم
إحتياجات اساسيه لنفسيه طفلك
*احتياجات اساسيه لنفسيه اطفالك❤❤❤
كل طفل بيتولد عنده إحتياجات نفسيه كتير جدا
احتياج أنه (يتحب . يتقبل. يتشاف.يتحضن ......واحتياجات تانيه كتير
من ساعه مابيتولد بيفضل يدور علي تلبيه الاحتياجات الخاصه بيه دي
فتلقيه طول الوقت محتاج حضن محتاج يلفت نظرك من خلال أنه يقولك شوف فستاني الجديد تعالي العب معايا احضني ....
ولو ما حصلش علي ده بطريقه طبيعيه هيبدأ يطلبه بطريقه تانيه فتلقيه بيزن او يصرخ او حتي يرمي نفسه في الارض
حجات كلها انت تفسرها كسوء سلوك ولكن في الحقيقة هي بتكون علشان تاخد بالك من احتياجاته
في احتياج غير مسدد والطفل بيحاول يسدده
الصراع بيحصل امتي
بيحصل لما الطفل يكون بيحاول يسدد إحتياجاته الطبيعيه من حب وتقبل وغيرها وفي المقابل الاهل عايزينه يعمل حاجه علشان يمنحو الشعور الي نقصه
يعني اسمع الكلام علشان احبك .اشرب اللبن عشان أحبك
متعليش صوتك علشان تبقا محترم .........الخ
هنا الحب المقدم للطفل بيكون مشروط وده اسوء انواع الحب
الطفل في الخمس سنوات الأولي بيكون عامل زي السفنجه الي عماله تشرب كل الي حوليها فيشوف تصرفات الكبار
الطريقه الي بيتعاملو بيها طريقه تلبيه احتيياجاته
يمتص كل ده وبعدها يقرر. يقرر اهم قرارات في حياته
وهي هو هيبقا مين هيكون الطفل الحر المنطلق في كل حته
هيكون نفسه بفطرتها الي ربنا خلقه عليها
ولا هيكون المسخ الي هما عايزينه هيسمع الكلام ويقول حاضر ونعم علشان بس يشبع احتياجاته وهنا بيكون مشروع مريض نفسي يفضل طول عمره شخص تايه متخبط
الطفل بياخد القرار ده بناء علي تعامل المحيط بتاعه معاه
الخلاصه
شخصيه إبنك بتتكون من خلال الخمس سنين الأولي في عمره بتتكون من خلال نظرتك ليه وتلبيه احتياجاته
"كل سوء سلوك لطفلك وراءه احتياج غير مسدد
"الحب غير المشروط اهم شيئ تمنحه لطفلك
Post a Comment